बाँकेः स्वास्थ्य कार्यालय बाँकेका अनुसार आर्थिक बर्ष २०८०।०८१ को नौ महिनामा बाँके जिल्लामा १२ जना सुत्केरीको मृत्यू भएको छ । मृत्यु भएका १२ जनामा ६ जना नेपालगन्ज उपमहानगरपालिकाका छन् भने ६ जना विभिन्न नगरपालिका।गाउँपालिकाका छन् ।

बाँके जिल्ला स्वास्थ्य क्षेत्रमा सुबिधा सम्पन्न भएको जिल्ला भएता पनि यति धेरै सुत्केरीको मृत्यु मृत्यू हुनुलाई गम्भिर रुपमा लिई यसको न्यूनिकरणमा ध्यान दिनु पर्नेमा बिज्ञले सुझाव दिएका छन । 

स्वास्थ्य कार्यालय बाँकेका फोकल पर्सन विष्णु श्रेष्ठका अनुसार घर नजिकै ठूलाठूला अस्पताल र सुविधा सम्पन्न स्वास्थ्य संस्था भए पनि अन्तिम अवस्थामा स्वास्थ्य संस्थामा ल्याउने र सुत्केरी भइसकेपछि हुनुपर्ने स्याहार नभएर सुत्केरीको मृत्यु भइरहेको छ । उनले पहिला सुत्केरी हुनु अघि मृत्यु हुने गरेको थियो अहिले भने सुत्केरी भइसकेपछि मृत्यु भइरहेको पाइएको बताएका छन।

फोकल पर्सन श्रेष्ठले भने “बच्चा पाएको ४२ दिन सम्मलाई सुत्केरी मानिन्छ । बच्चा पाएपछि जाँच नगर्ने प्रवृत्तिले आमाको मृत्यु भइरहेको छ ।” स्वास्थ्य कार्यालयका अनुसार जिल्लामा अधिकांश गर्भवतीले ८ पटक गर्भ जाँच पनि नगरेको देखिएको छ । पहिलो पटक ७० प्रतिशत गर्भवतीले जाँच गर्दा आठौँमा आइपुग्दा २१ प्रतिशतमा झर्ने गरेको स्वास्थ्य कार्यालयले जनाएको छ ।

बिज्ञका अनुसार सुबिधा सम्मपन्न शहर भए पनि जनचेतनाको कमि, अन्धबिश्वास, अशिक्षा र गरिबिका कारणले महिला स्वास्थ्यको बारेमा कसैको ध्यान नगएको र नेपाल सरकारले बिशेष जनचेतनाका कार्यक्रमहरु अगाडी बढाउनु पर्नेमा जोड दिएका छन ।